Plantun de Prouvènço

Pèr coumpara dos planto d'encò nostre

Vitis riparia x Vitis rupestris & Piptatherum caerulescens

Lambrusco(-bastardo)

Vitis riparia x Vitis rupestris

Vitaceae

Àutri noum : Trihiero, Vedigagno, Vigno.

Nom en français : Vigne hybride.

Descripcioun :
Aquesto lambrusco, de tèms counfoundudo emé Vitis riparia, se vèi proun en ribo d'aigo, dins li ripisilvo, ounte escalanto d'en pertout. Se recounèis à si fueio quàsi sènso péu dessouto (aleva contro li bifurcacioun di costo) e qu'an tres dènt quàsi paralèlo emé un "sinus" de pecou mens prefouns que la vertadiero Vitis riparia que sèmblo gaire se naturalisa. Es uno bastardo naturalo nascudo en Franço emé de vigno vengudo d'Americo pèr lucha contro lou filóussera. Sarié degudo à la poulinisacioun de V. riparia, "Gloire de Montpellier" pèr V. riparia " dóu Lot".

Usanço :
Coume pèr lis àutri lambrusco, li fueio dèvon èstre vertuouso pèr la circulacioun dóu sang (cambo lourdo e moureno), soun peréu astringènto e diuretico.

Port : Liano
Taio : 0,5 à 4 m
Fueio : alterno
Tipe bioulougico : Faneroufite
Cicle bioulougico : Planto renadivo

Gènre : Vitis
Famiho : Vitaceae

Ordre : Vitales

Coulour de la flour : Verdo
Petalo : 8
Ø (o loungour) flour : 4 à 5 mm
Flourido : Printèms - Estiéu

Sòu : Ca
Autour basso e auto : 0 à 800 m
Aparado : Noun
Mai à juliet

Liò : Ribiero - Ermas - Ripisilvo
Estànci : Termoumediterran à Coulinen
Couroulougi : Éuroupenco-Sud
Ref. sc. : Vitis riparia x Vitis rupestris Tison, 2014

Mi(-blaven)

Piptatherum caerulescens

Poaceae Graminaceae

Nom en français : Piptathérum bleuâtre.

Descripcioun :
Aquéu mi es uno planto coumuno en basso Prouvènço ounte trachis sus li roucaio o esboudèu de pendis. Li fueio soun verdalo e estrecho emé uno lengueto proun longo (>3,5 mm). Li lemma an ges de péu sus l'esquino au contro de Piptatherum paradoxum. Coumpara emé lou mi-fèr qu'a d'espiguet e de lemma bèn mai pichot.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 30 à 80 cm
Fueio : costo paralèlo
Tipe bioulougico : Emicriptoufite
Cicle bioulougico : Planto renadivo

Gènre : Piptatherum
Famiho : Poaceae
Famiho classico : Graminaceae
Tribu : Stipeae
Ordre : Poales

Coulour de la flour : Vióuleto
Petalo : ges
Ø (o loungour) enflourejado : 8 à 20 cm
Flourido : Printèms

Sòu : Ca
Autour basso e auto : 0 à 600 m
Aparado : Noun
Abriéu à mai

Liò : Roucaio - Esboudèu - Roucas - Tepiero seco
Estànci : Termoumediterran à Mesoumediterran
Couroulougi : Estenoumditerrano
Ref. sc. : Piptatherum caerulescens (Desf.) P.Beauv., 1812

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Vitis riparia x Vitis rupestris & Piptatherum caerulescens

ges

Coumpara Lambrusco(-bastardo) emé uno autro planto

Coumpara Mi(-blaven) emé uno autro planto